Waziri Kigwangalla atoa agizo la marufuku

NA MWANDISHI WETU

WAZIRI wa Maliasili na Utalii hapa nchini Dkt. Hamisi Kigwangalla  ameagiza kusitishwa mara moja  kwa oparesheni ya kukamata mifugo katika pori Tengefu la Loliondo na kuagiza mifugo iliyokamatwa kuachiwa mara moja.  

Waziri Dkt. Hamisi Kigwangalla kushoto akizungumza.

Aidha pia Kigwangala amesema hayo leo na kusema mifugo mbalimbali ambayo imekamatwa na bado kufikisha mahakamani iachiwe bila masharti yoyote na wafugaji waendelea kutumia vyanzo vya maji ndani ya pori hilo. 

Pia Waziri Kigwangalla anasema maamuzi hayo aliyofanya ni hatua ambayo inalenga kutoa nafasi ya kushughulikia mgogoro huo kwa njia ya mazungumzo.

Oktoba 19, 2017 Waziri Kigwangalla alitoa agizo kuwa mifugo na matrekta ambayo yapo kwenye pori hilo Tengefu la Loliondo viwe vimeondoshwa na kusema baada ya siku 7 mifugo na mali za watu hao vingekutwa kwenye pori hilo basi Serikali ingevitaifisha.