Saliboko apania medali za dhahabu Olimpiki

NA ISSA RAMADHANI.

MUOGELEAJI shujaa kutoka Tanzania, Collins  Saliboko, ambaye hivi karibuni alitwaa jumla ya medali kumi na sita katika mashindano ya kuogelea kwenye cana kanda ya tatu Afrika

 Collins  Saliboko pichani.

Mashindano hayo yalifanyika Tanzania kwenye bwawa la kuogelea la Hopac Jijini Dar es salaam ambapo jumla ya timu nane zilijitokeza kushiriki.Nchi zilizoshirik mashindano hayo ni nchi za Afrika ya Kusini, Zambia, Kenya, Uganda, Rwanda, Sudan ya Kusini, Djibout, na mwenyeji na  bingwa mtetezi nchi ya Tanzania.

.

Akizungumza hivi karibuni mara baada ya kumalizika kwa mashindano hayo  hapa nchini, Saliboko, alisema kuwa mashindano hayo yalikuwa magumu sana licha ya kujaribu kuibuka na medali kadhaa lakini kwa sasa atahakikisha anaibuka kinara wa medali za dhahabu kwenye ya mashindano ya Jumuiya ya Mdola yatakayofanyika Huko Australia mwakani, Olimpiki ya Vijana ya Mwezi Oktoba na kufanyika Nchini Argentina.

Collins, alifanikiwa kutwaa jumla ya medali 16, ambapo kati ya medali 13 zikiwa ni za shaba kwa nafasi ya pili wakati medali tatu zikiwa za dhahabu.

Katika mashindano hayo yaliyomalizika hivi karibuni, Saliboko alifanikiwa kutwaa medali nyingi mara baada ya kuwa katika mashindano kumi na sita aliyoshiriki kitu kilichomfanya afikishe wingi wa tuzo hizo tofauti  na wenzake.

Baadhi ya waogeleaji wengine waliojinyakulia medali hizo za dhahabu ni  pamoja na Elia Imhoff Natalie, Emma Imhoff, Tara Behnsen, Marin De Villard na kwenye ‘relay’ walikuwemo Sonia Tumitto, Collins Saliboko, Hilal  pamoja na Emma Imhoff.

“Mashindano ni magumu sana, ushindani ulikuwa mkubwa sana pamoja na kuwa na uhakika wa 100% ya kushinda, waogeleaji wetu walifanya vyema katika mashindano ya awali na tuliongoza kwa kutwaa medali licha ya kuwa nje ya mipango yetu”.Alisema Saliboko

Miongoni mwa shule alizowahi kupitia katika kuhakikisha anafanya vyema kwenye mchezo wa kuogelea ni pamoja na Mikocheni East Africa School, Shinyanga Shule ya Savana, pamoja na Shule ya Morogoro ambapo kote alikutana  na mafunzo bora yaliyomfanya kutwaa medali hizo.

Ndoto yake kwa sasa ni kuhakikisha anajipanga vyema kunyakuwa medali za dhahabu na kuiletea  heshima Tanzania kwenye michuano ya Olilimpiki pamoja na Jumuiya ya Madola mwaka.