Mchezaji Azam FC apata pigo

Mchezaji wa Klabu ya Azam Fc ,WAaziri jinior

NA ISSA RAMADHANI.

MSHAMBULIAJI  wa klabu  ya  soka  ya Azam  FC  nchni Tanzania,Wazir Junior  amefiwa  na mama  yake  mzazi  usiku  wa  kuamkia  leo  nyumbani  kwao  Wilaya  ya  Lushoto  mkoani  Tanga.

Taarifa kutoka  ndani ya klabu hiyo zimethibitisha  msiba huo ambapo  tayari  mchezaji huyo amepewa ruhusa ya kwenda  nyumbani  kwa ajili ya kushiriki msiba huo wa mama yake.

Aidha Klabu ya Azam FC imepokea  kwa  masikito  makubwa  msiba huo mzito wa mama yake  Wazir  hivyo imeungana  na  familia  nzima  kwenye  kipindi  hiki kigumu.

Hata hivyo Wazir  alikuwa  amesafiri na timu kuelekea Njombe kwa ajili ya mchezo wa ligi wikiendi  hii  dhidi ya Njombe Mji, lakini tayari ameenza safari ya kurejea  Dar es salaam  asubuhi  hii  ambapo  ataunganisha  hadi  Lushoto Tanga.

Uongozi wa Azam FC kwa niaba ya mashabiki na klabu kwa ujumla, umetoa salamu za rambirambi kwa ndugu, jamaa na marafiki pamoja na familia ya Junior.