Maaskofu watoa kauli kwa Rais Joseph Kabila.

 

 Rais Joseph Kabila

KONGO,Kinshasa

MAASKOFU wa Kanisa Katoliki nchini Jamhuri ya Kidemokrasia ya Kongo, wamemtaka Rais Joseph Kabila kujitokeza hadharani na kutangaza kuwa hatagombea urais kwa muhula wa tatu. 

Kauli hiyo ya Maaskofu imekuja baada ya mkutano wao kuthamini hali ya kisiasa nchini humo huku kukiwa na na shinikizo kutoka Jumuiya ya Kimataifa, kwa serikali ya DRC kuhakikisha uchaguzi huo unafanyika kama ilivyopangwa.

Hata hivyo hayo yanajiri wakati ambapo serikali ya DRC imepiga marufuku maandamano yaliyopangwa wiki hii kushinikiza kujiuzulu kwa Rais Joseph Kabila.

Muelekeo kuhusu Uchaguzi Mkuu nchini DRC umepangwa kufanyika nchini humo mwezi Disemba mwakani  2018 .

wakati huo upinzani wa nchi hiyo umekuwa ukidai kuwa  Kabila, anapanga kuwania tena kinyume cha katiba, madai ambayo Rais huyo bado hajajibu.