TP Mazembe hali tete fainali ya shirikisho Afrika

FAINALI  ya kwanza katika  mchezo wa shirikisho Africa imepigwa  mjini Lubumbashi  ambapo wenyeji Tp Mazembe  wakiwa nyumbani waliikaribisha klabu ya Super Sport  kutoka nchini Afrika Kusini.

Ambapo  mchezo huo Tp Mazembe waliibuka kidede kwa ushindi wa bao mbili kwa moja ushindi ambao hauwapi uhakika kushinda kombe hilo baada ya mchezo wa pili utakaopigwa nchini Afrika Kusini.

Tp Mazembe walipata bao la kwanza dakika ya 18 ya mchezo huo kupitia kwa Adama Troure kabla ya Sipho Mbuli kuwapatia wageni bao la kusawazisha, dakika ya 68 kwenye mechi hiyo  Daniel Nii Adjei  aliipatia Mazembe bao la ushindi.

Mnamo Dakika 10 za mwisho za mchezo huo zilikuwa chungu sana kwa Super Sports kwani Tp Mazembe walihamia katika goli lao huku muamuzi wa mchezo huo akiwanyima penati baada ya Solomon Asante kuchezewa rafu katika eneo la box.(18 area)

Mchezo wa marudiano utapigwa siku nane zijazo ambapo Super Sport watahitaji ushindi wa bao moja tu ili kuwa mabingwa wapya wa michuano hiyo huku Mazembe wakihitaji sare tu ili kutawazwa kuwa mabingwa.