Juisi ya viazi vitamu hushambulia vimelea wa saratani

LISHE:

Juise ya viazi vitamu

NA ODRIANI NICOLAUS

VIAZI vitamu ni moja kati ya zao la chakula linalokuwa na kusambaa kwa kasi na upatikanaji wake ni mrahisi karibu kila eneo hapa nchini. Ni moja kati ya vyakula na bidhaa zenye faida lukuki kwenye afya ya binadamu.

Utafiti unaonyesha kuwa juisi ya vitamu inapotumiwa kwa usahihi ina uwezo mkubwa wa kushambulia vimelea vinavyosababisha ugonjwa wa saratani.

Taarifa ya mtafiti mwandamizi wa kituo cha tiba za dawa za  asilicha Paseko Natural Health cha Tabata, Manispaa ya Ilala jijini Dar es Salaam Dk. Othuman Shem juisi hiyo pia ni msaada mkubwa kwa mama mjamzito katika kurekebisha mfumo dawa na upumuaji wa mtoto tumboni kutokana na wanga uliosheheni kwenye viazi hivyo.

Dk.Shem ambaye pia ni Katibu Mkuu  taifa wa Shirikisho la Vyama vya Tabibu wa  Asili na Mbadala anasema pia viazi vitamu vina kiwango kikubwa cha virutubisho  (vitamin A)  ambayo ikiingia mwilini huweza kuifanya ngozi kuwa nyoyororo kama mmea uliostawi kwenye mbolea ya kutosha.

“Virutubisho hivi, pia ni muhimu sana mwilini kwani husaidia mwili kupambana na magonjwa mbalimbali kwa kuimarisha askari  (chembechembe hai nyeupe) za damu, hivyo kuufanya mwili kuwa imara wakati wote  na kutoshambuliwa na maradhi hovyo,”alisema.

Pia sukari inayopatikana kwenye juisi ya viazi vitamu ni ya asili, ina uwezo wa kurekebisha kiwango cha sukari kuwa cha kawaida mwilini hasa kwa wagonjwa na wetu wengine wenye dalili za maradhi hatari ya kisukari.

Zaidi, mtaalamu huyo alisema kuwa  faida nyingine ni juisi hiyo hufanya mfumo wa uzazi wa mwanaume kufanye kazi sawasawa hasa kwa kula kuranga au kurosho wakati huo huo juisi ya viazi vitatu ikiwa kishushio.

“ Kwa matumizi hayo mfululizo, huweza kumfanya mtu ambaye `jogoo’ wake hawiki kufanya kazi sawasawa na kuimarisha heshima iliyotoweka kwenye ndoa kwa matatizo hayo,”alisema.

NAMNA YA KUTUMIA:

1.     Mtumiaji  anapaswa kukata vipande vidogovidogo vya viazi vitamu na kuvianika  juu ya chombo safi kivulini kwa siku kadhaa hadi vipande hivyo vikauke kwa fukuto ndani ya kivuli.

2.     Sababu ya kukaushwa kivulini ni kufanya chakula ( vipande vya viazi) kukauka kwa utaratibu na kutopoteza kiasi kingi cha virutubisho kinachoweza kupotea ikiwa vipande hivyo vitaanikwa kwenye jua kali.

3.     Baada ya kukauka, mtumiaji , achukue vipande hivyo na kuvisaga  ili kupata unga wake.

4.     Hatua ya tatu ni  mtumiaji kuchemsha maji ya moto na kutia unga uliosagwa kwenye  glasi safi.

5.      Chota kijiko kimoja cha chai (cha mezani) cha unga huo kisha changanya na maji. Koroga hadi ipasavyo ili ichanyike vizuri. Kunywa  kwa dozi ya asubuhi na jioni. Unaweza kuchanganya asali ili kuleta ladha zaidi.